Project Avdonza
Per in e scadin. Per la Surselva.
In niev dacasa a Breil. Dil studio entochen l’habitaziun da famiglia: «Avdonza» porscha plaz per mintga fasa dalla veta, amiez il bi vitg muntagnard.
«Avdonza» ei in niev ensemble d’habitar cun sis casas a Breil el quartier Tgariel. Dil studio entochen l’habitaziun da famiglia duei vegnir baghegiau cheu spazis d’habitar durabels e segirs – circumdai da cuolms e cun tut quei che s'auda tier la veta da mintgadi: stizun da vitg, pasterner, mazler, cascharia, pratica da miedi e pendicularas quasi avon porta.
Per persunas che sedecidan cunscientamein per ina veta el vitg: persunas che vegnan dil marcau, e che vulan unir la lavur hibrida e la proximitad dalla natira, persunas activas dalla regiun che vulan habitar "pli pign" e pli central e restar integradas socialmein e per indigens ch'ein silla tscherca d'habitaziuns libras e favoreivlas.
«Avdonza» ei in domicil per 365 dis ad onn – cun in ver vischinadi, cuortas vias ed il ruaus ch’ins tscherca en las muntognas.
Descripziun digl ensemble
Igl ensemble consista da sis casas plurifamigliaras cun ina zonaziun structurada claramein: las casas A, B, C e D fuorman il segment "pli grond" cun habitaziuns da 3.5 e 4.5 stanzas per famiglias e seniors activs; las casas E e F ein orientadas enviers studios ed habitaziuns da 2.5 stanzas per giuvenils, pendulars e persunas singulas. Trais surfatschas da survetsch el plaun terren (casas D, E, F) cumpletteschan il spectrum d'utilisaziun cun commerzi local (büros, ateliers, stizuns pintgas).
Dapli spazi per la vita en las muntognas.
Per persuras che vulan restar
Nievarrivai
Persunas da marcaus e "dalla bassa" che vulan setransferir ellas muntognas e colligiar natira, qualitad da veta e lavur hibrida.
Indigens
Habitontas e habitonts dalla vischnaunca e dalla regiun, ch'ein silla tscherca d'in niev dacasa permanent a Breil per prezis fairs.
Glieud che vul turnar ella patria
Persunas ch'ein carschidas si ella Surselva e vulan turnar en lur patria – seigi per la famiglia, la professiun ni semplamein per ina megliera qualitad da viver.
Famiglias e pèrs giuvens
Ina multifara mischeida d'habitaziuns porscha spazi per la partenza ella veta communabla ed in ambient famigliar per affons.
Luvrers e mistergners
Persunas che lavuran a Breil ni ella regiun – per exempel en il sectur da turissem, gastronomia e commerci – e vulan viver datier da lur liug da lavur.
Best Ager
Persunas da 65+ onns che vulan habitar ella vegliadetgna sin spazi pli pign, senza barrieras e permanent.